Увид во градежните активности во Серменин во рамки на проектот „BalkanVelo“

Во рамки на проектот „BalkanVelo“, се изврши увид во тековните градежни активности што се реализираат во село Серменин. При посетата беше направен увид во работите на мултифункционалниот објект во Серменин, кој се реконструира и уредува со цел да обезбеди подобри услови за посетителите и да придонесе кон развојот на туристичката понуда на подрачјето. Истовремено беа разгледани и активностите на новата велосипедска патека, која започнува од Серменин и претставува значајна инвестиција во развојот на велосипедската инфраструктура и активниот туризам на Кожуф. Со реализацијата на овие активности, проектот „BalkanVelo“ придонесува кон подобрување на пристапноста до природните и туристичките потенцијали на регионот, создавање подобри услови за велосипедистите и посетителите и промоција на одржлива мобилност и туризам. По завршувањето на градежните работи, ќе се премине кон подготовка на интерактивна мапа на велосипедските патеки и изработка на виртуелни тури, со што посетителите ќе добијат можност дигитално да ги истражат новите содржини и велосипедските рути во Серменин.