Презентација на првична верзија на веб страната на ДМО Повардарие

ДМО Повардарие го направи првиот важен чекор кон своето дигитално позиционирање – првата верзија на официјалната веб-страница беше презентирана пред членовите на Заедничката комисија за меѓуопштинска соработка, составена од претставници од 11 општини.

Веб-страницата ја изработува Фондацијата за локален развој и развој на информатички технологии – Гевгелија (ФЛОРИТ), а е финансирана во рамки на програмата „EU for Municipalities“.

За време на презентацијата беше направен детален преглед на структурата на веб-страницата, главните менија и предложените содржини, со фокус на тоа како платформата ќе придонесе за промоција на регионот како атрактивна туристичка дестинација. Воедно, беа дефинирани и следните чекори за понатамошен развој, при што претставниците на општините презедоа конкретни задачи за обезбедување на релевантни информации и содржини кои ќе ја збогатат и унапредат веб-страницата.

Презентацијата се одржа во Хотел Рамада во Гевгелија, означувајќи почеток на еден заеднички процес на градење на препознатлив туристички бренд на Повардарскиот регион.