„Активни и Среќни – Иницијатива за Балансиран Детски Развој“

Во февруари и март 2025 година, во просториите на игротека Kiddy Adventure успешно беа реализирани обуки за здрава исхрана за деца, со цел постигнување на свеста за важноста на правилната исхрана од најмала возраст. Обуките беа реализирани преку интерактивен пристап и ги запознаа малите учесници со основите на здрава и балансирана исхрана.

Целната група беа деца, кои активно учествуваа во обуката, во текот на која се разгледуваа клучните принципи на здрава исхрана – кои намирници треба да бидат редовен дел од нивната исхрана, а кои треба да се избегнуваат. Преку разни примери и активности, дечињата имаа можност да научат за важноста на зеленчукот, овошјето и протеините во нивната исхрана, како и за негативните ефекти на преработената храна и слатки.

Обуките вклучуваа и работилница, каде што дечињата имаа можност практично да се вклучат и да создадат свои идеи за здрава исхрана. Преку групни активности и игри, учесниците научија како да избираат здрава храна и да ја разликуваат од нездравата, но и како да ги прават здравите избори секојдневно.

Проектот „Активни и Среќни – Иницијатива за Балансиран Детски Развој“, е спроведен од страна на Мрежата за рурален развој како имплементатор на Програмата за развој на заедницата поддржана од USAID North Macedonia, ЛАГ Бојмија, Kiddy Adventure, Диет ординацијата БИДИ ЗДРАВ, Црвен крст Гевгелија, ЈОУДГ „Детска радост“ – Гевгелија и С-53 Маркет Гевгелија. Целта на ЛАГ Бојмија, заедно со поддршката од сите учесници и партнери е продолжување на заедничката работа и создавање нови можности за едукација и здрав начин на живот.