Проект: „Зајакнување на капацитетот на граѓанските иницијативи за регионално и микро-регионално вмрежување за рурален развој во источен и југоисточен плански регион“

Проектот „Зајакнување на капацитетот на граѓанските иницијативи за регионално и микро-регионално вмрежување за рурален развој во источен и југоисточен плански регион“, финансиран од Европска Унија, “ИПА 2 Механизам за граѓанските организации – IPA2CSO“ / EuropeAid/136-992/DD/ACT/MK, го имплементира Здружение ЦЕЛОР – Центар за локален развој, Радовиш, во партнерство со Фондацијата за локален развој и развој на информатички технологии – Гевгелија, Здружение Центар за лековити билки Амброзија – Пехчево и Здружение Еколошко Друштво ЈАВОР, Зрновци.

Времетраењето на проектот е 6 месеци.

Главна цел на проектот: Вмрежување поради подобрување на животните услови во руралните средини и придонес кон руралниот развој во Источниот и Југоисточниот плански регион.

Планирани активности:

• Организирање на четири (4) координативни состаноци од по еден од секој од партнерите за координација со останатите локални граѓански здруженија, општините, државни институции на локално ниво, трговски друштва итн.
• Организирање на осум (8) еднодневни работилници за изготвување на стратегии за рурален развој на локалните акциони групи (ЛАГ-ови) по две во секоја од територијата на лаг-овите.
• Пишување и средување на стратегиите на ЛАГ-овите, подготовка и средување на документација за основачки собранија на ЛАГ-овите.
• Организирање на основачки Собраниа за официјално формирање на четирите ЛАГ-ови, потпишување на меморандуми за соработка и основачки документи
• Подготовка на документација и регистрација на ЛАГ-овите во Централен регистар
• Промоција на ЛАГ-овите преку социјалните мрежи и преку медиумите
• Потпишување на меморандуми за соработка помеѓу ЛАГ-овите од источниот и југоисточниот плански регион и официјализирање на мрежат од граѓански организации за рурален развој од источниот и југоисточниот плански регион

Очекувани резултати од спроведување на проектот:

• Одржани 4 консултативно – координативни состаноци помеѓу партнерските организации и останатите чинители кои ќе бидат вклучени во проектот;
• Одржани 8 работилници за изготвување на 4 стратегии за локален и рурален развој за 4 локални акциони групи;
• Изработени 4 стратегии на ЛАГ-овите за локален и рурален развој
• Потпишани 4 меморандуми за соработка за основање на ЛАГ-ови;
• Одржани 4 основачки Собранија на локалните акциони групи (ЛАГ-ови);
• Формирани и регистрирани во ЦРМ четири правни субјекти кои ќе ги претставуваат и застапуваат локалните акциони групи (ЛАГ-ови);
• Формирана мрежа на граѓански здруженија за локален и рурален развој на ниво на источен и југоисточен плански регион;